ʻO ka Neʻepapa, he pāhana ia e kia ana ma ke kākoʻo a aʻoaʻo aku i nā hui ʻAmelika ʻŌiwi e hoihoi ana i ka hoʻōla a me ka hoʻomau i kā lākou ʻōlelo makuahine. I Kepakemapa 2001 i hoʻomaka ai ka pāhana e ʻimi aku ana i nā alakaʻi a me nā kumu ʻōiwi e hoihoi ana e kipa mai i nā honua hoʻōla ʻōlelo Hawaiʻi i Hawaiʻi nei.

Ma hope o ka hoʻokāhuli ʻana i ke kānāwai e pāpā ana i ka ʻōlelo Hawaiʻi ma nā kula aupuni, huipū akula ka ʻAha Pūnana Leo me nā ʻAmelika ʻŌiwi ma ka hoʻopai ʻana i ka ʻAhaʻōlelo ʻAmelika e kāpae aku i nā kulekele pekelala e kinai ana i nā ʻōlelo ʻAmelika ʻŌiwi ma ia mau kaiaulu. Mai ka wā mai i holo ai ke kānāwai Native American Languages i ka makahiki 1990, ua ulu aʻela ma ʻAmelika ka hoʻoikaika ʻana i ka hoʻōla ma kahi o ka 200 ʻōlelo ʻAmelika ʻŌiwi e koe mai ana ma mua o ka halapohe ʻana o ia mau ʻōlelo. ʻO ka nui o ia mau ʻōlelo, he kākaʻikahi wale nō ka poʻe ʻike ʻōlelo e koe ana a he 20 wale nō o ia mau ʻōlelo me ke kamaliʻi ʻike ʻōlelo. ʻO ka ʻAha Pūnana Leo ke kumu hoʻohālike kaumokuʻāina o ka hoʻōla ʻōlelo ʻōiwi.

Ma o nā haʻawina kālā manawaleʻa kipa maila nā hui ʻōiwi ʻē aʻe i nā honua a me nā papahana Pūnana Leo. Hui pū nō hoʻi kēia poʻe hoa kipa me nā alakaʻi o nā kula.

ʻO ka ʻAha Pūnana Leo ke kumu hoʻohālike kaumokuʻāina o ka hoʻōla ʻōlelo ʻōiwi. He pakanā o ke kikowaena kaumokuʻāina ʻōlelo ʻōiwi ʻAmelika e hoʻokele ʻia nei e ke koleke ʻōlelo Hawaiʻi ma ke kulanui o Hawaiʻi ma Hilo, ke kulanui o ʻĀlaka Hema Hikina a me ke kulanui Ojibwe Lac Courte Oreilles he kulanui nāki.

Makahiki Kula 2024 - 2025

Hoʻomau i ke kipa ma ke kaupalena me ka palekana. E kau mapoho i loko o ka lumi papa.
E kipa a i ka lā 7 o Mei ma nā kakahiaka mai ka 7:45am-10:30am wale nō.

E makaʻala i nā hoʻomaha me nā lā nui penei:
4 – 11 ʻOkakopa
5; 11; 27 – 29 Nowemapa
20 December – 7 Ianuali
20 Ianuali
17 Pepeluali
14-21 Malaki
26 Malaki
18 ʻApelila

E kaomi ka kēia loulou no ke aʻo ʻana e pili ana i kēia papahana

NOI KIPA