Resources
Nā Mele Papahana
Ua Ao Hawaiʻi
Kau e ka wena o ke ao i ka lani
He wekeweke i ka pō pilipuka
He ʻelele o ka poniponi hikina
Kau ke kāheʻa wanaʻao i ka ʻālaʻapapa
Laʻi ana i luna o ke kūkulu o ka lani lā
ʻO kaʻu ia e huli alo nei i ka ulu ē
ʻAe, ua ao ē
Hō mai lā kō mālamalama
I ka honua nei i ka mauli ola
Ua ao Hawaiʻi ke ʻōlino nei
Mai ka piʻina a ka welona a ka lā
Kāhiko ʻia i ka ʻike manomano
Ka ʻike kōliʻu mai o kikilo mai
ʻO kaʻu nō ia ʻo ka pūlama
A paʻa ma ka ipu o ka ʻike ē
ʻAe, ua ao ē
na Larry Kimura ke mele a na Kalena Silva ka leo oli
Hele Au I Ka Pūnana Leo
Hele au i ke kula maikaʻi ma ka Pūnana Leo o _________
Aʻo au i ka ʻōlelo Hawaiʻi, ma ka Pūnana Leo o _________
HUI:
E lohe mai, iā mākou i ka ʻōlelo kupa o ka ʻāina
E lohe mai iā mākou i nā keiki o ka Pūnana Leo.
Hoʻoulu i ka lāhui Hawaiʻi i ka ʻōlelo o nā kūpuna
Na mākou, nā pua lei o Hawaiʻi, ma ka Pūnana Leo o _________ .
Kuʻu Kumu (Pai Ka Leo)
He lālā wau no kuʻu kumu
Nāna wau e koʻo mai
Inā Ikaika ka makani
Nāna wau e aʻo mai
Luliluli, luliluli
He lālā wau no kuʻu kumu
Nāna wau e paipai mai
Inā ikaika ka ua nui
Nāna wau e a’o mai
Uē ka lani, uē ka lani
A ola ka honua.
He lālā wau no kuʻu kumu
Nāna wau e hoʻoulu mai
Me nā lau wehiwehi
Nāna wau e kuhi mai
He pua ē, he pua ē
Ke mōhala nei.
Eia Au He Keiki Ē (Pai Ka Leo)
Eia au he keiki ē i aloha nui ʻia ē
Na ka makua ē, me nā kūpuna ē
ʻAʻohe oʻu hopo ē, i ke alo makua ē
Hoʻokahi leo ē, ua lawa au ē
Nani nā kūpuna ē, he mea hiwahiwa ē
E haʻaheo ai ē, nā moʻopuna ē.
Aloha hoʻi au ē, i kuʻu ʻohana ē
Pōmaikaʻi wale ē, ke keiki ʻohana ē.
Haʻina ka puana ē, eia au he keiki ē
I aloha nui ʻia ē, na kuʻu ʻohana ē.
Download Pai Ka Leo Songs here.
Mauli Ola Hawaiʻi Development Classes
The Hui Kīpaepae is where we learn different aspects of the Pūnana Leo focusing on the history of the Hawaiian language movement, the Hawaiian language itself and hands-on learning. Its purpose is to assist families in gaining knowledge and support for one another to create and reinforce a continuum between the home and the Pūnana Leo.
Watch all of our Hui Kīpaepae Hawaiian language lessons here.
Video Lesson 1
Video Lesson 2
Video Lesson 3
Video Lesson 4
Video Lesson 5